სოფელ ბოგაში საქონლის სადგომი დაიწვა

სოფელ ბოგაში საქონლის სადგომი გუშინ, 10 თებერვლას ღამით დაიწვა. იმის გამო რომ სადგომი სახლისგან მოშორებით დგას, ოჯახმა ცეცხლის გაჩენის შესახებ გვიან გაიგო, საქონლის სადგომიდან გამოყვანა უვნებლად მოასწრო, თუმცა შენობის გადარჩენა ვეღარ მოხერხდა.

სოფელში ამბობენ, რომ ხანძრის გაჩენის მიზეზი უცნობია: "ელექტრო გაყვანილობაც არაა, რომ ცეცხლი იქიდან გაჩენილიყო, არ ვიცით რა მოხდა".

ადგილზე მობილიზებული იყო პოლიცია და სამაშველო სამსახური.

მომხდარს ახალციხის რაიონული სამმართვევლო სსკ–ის 187–ე მუხლით იძიებს, რაც ნივთის დაზიანებას ან განადგურებას გულისხმობს.

[თამუნა უჩიძე, ახალციხე]