სოფელ ანში საქონლის სადგომი დაიწვა

შემთხვევა დღეს, 19 აპრილს, 16:00 საათზე მოხდა. ცეცხლი კაპანაძეების საქონლის სადგომს გაუჩნდა. ხანძრის ჩაქრობას ადგილობრივებთან ერთად, სახანძრო–სამაშველო სამსახური ცდილობდა.

გამგებლის წარმომადგენელი ანის ტერიტორიულ ორგანოში კახაბერ გელაშვილი ამბობს, რომ მთლიანად დაიწვა სადგომი და ერთი ხბო, რომლის გამოყვანა ადგილობრივებმა ვერ მოასწრეს: „სხვა პირუტყვი სადგომში არ იყო“.

მისივე თქმით, მეხანძრეებმა ცეცხლის ლოკალიზება მალევე შეძლეს და ხანძრის სხვა შენობებზე გადსვლის საშიშროება არ ყოფილა.

რამ გამოიწვია ხანძრი ამ ეტაპზე დაუდგენელია. ერთ–ერთი ვერსიით, შესაძლოა ცეცხლი მოძველებულ ელექტროგაყვანილობას გამოეწვია.

[ლუბა გიორგაძე, ახალციხე]