იმატა თუ არა ჰაერწვეთოვანმა ინფექციებმა სამცხე–ჯავახეთში

სამცხე-ჯავახეთის საზოგადოებრივი ჯანდაცვის ცენტრის ხელმძღვანელის ფატი ხაბულიანის განმარტებით, ამ ეტაპზე რეგიონში H1N1 ვირუსი არ დაფიქსირებულა. მისი თქმით, არცერთ მუნიციპალიტეტში ჰაერწვეთოვანი ინფექციების მომატების შემთხვევებიც კი არ იგრძნობა.

გასულ წლებთან შედარებით, ამ ეტაპზე, ჰაერწვეთოვანი ინფექციის მატება რომ არ იგრძნობა, ამის შესახებ ახალციხის საავამდყოფოში, „უნიმედი სამცხეშიც“ საუბრობენ. პედიატრ–ინფექციონისტის ნესტან უშხვანის განცხადებით, ამ დროისთვის საავადმყოფოში ჰაერწვეთოვანი ძლიერი ინფექცია არ დაფიქსირებულა.

ექიმი ნესტან უშხვანი მოსახლეობას აცნობებს, რომ ჰაერწვეთოვანი ინფექცია მაღალი ტემპერატურით იწყება: „სახსრების და თავის ტკივილი, პირღებინება, ყელის ფხაჭნის შეგრძნება – ეს ის სიმპტომებია, რომლის გამოვლენის და გართულების შემთხვევაში ექიმის ჩარევა აუცილებელია“.

ექიმის რჩევით, აღნიშნული სიმპტომების გამოვლენის შემთხვევაში საზოგადოების თავშეყრის ადგილებს უნდა მოერიდოთ. მისი თქმით, ამ დროს აუცილებელია სალში დარჩენა და ბევრი სითხის მიღება: „ბევრი სითხე უნდა მივიღოთ, თუ პაციენტს სუნთქვის გართულების პრობლემა აქვს შეუძლია სპრეი გამოიყენოს. აუცილებელია ჰიგიენური ნორმების დაცვა, ხელები ხშირად უნდა დავიბანოთ“.

იმ შემთხვევაში თუ ჰაერ წვეთოვანი ინფექციით დაავადებულ ადმიანს სუნთქვის უკმარისობა, ასევე მაღალის სიცხეები აღენიშნება აუცილბელად ექიმს უნდა მიმართოს.

შეგახსენებთ, რომ საქართველოში H1N1 ვირუსით გარდაცვალების ლაბორატორიულად დადასტურებული ორი შემთხვევა დაფიქსირდა. ორივე შემთხვევა დასავლეთ საქართველოში გამოვლინდა. დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, ამ დროისთვის საქართველოში 100 ათას მოსახლეზე გრიპის 250 შემთხვევა ფიქსირდება.

[ვარლამ წიკლაური, ახალციხე]