სამცხე–ჯავახეთში H1N1 არ დაფიქსირებულა

ახალციხეში, საზოგადოებრივი ჯანდაცივს ცენტრში აცხადებენ, რომ ამ დრომდე სამცხე–ჯავახეთში ლაბორატორიულად H1N1–ის არცერთი შემთხვევა არ დაფიქსირებულა.

„თუ ლაბორატორიულად არ დადასტურდა, რომ რომელიმე შემთხვევა H1N1–ია, ჩვენ ვერ ვიტყვით, ბუნებრივია, რომ ეს ე.წ. ღორის გრიპია. ამ დროისთვის, ქვეყნის მასშტაბით „ღორის გრიპის“ 80–მდე შემთხვევა დაფიქსირდა, თუმცა ჩვენთან არცერი“, – გვითხრა ახალციხის საზოგადოებრივი ჯანდაცვის ცენტრის ექიმმა ქეთევან ჯინჭველაძემ.

ახალციხის კლინიკებში აცხადებენ, რომ გრიპის ვირუსით მიმართვიანობა გაზრდილია, თუმცა ზუსტ ციფრს, თუ რამდენი პაციენტი გადის ამ დროისთვის მათთან მკურნალობას, არ ასახელებენ.

„გრიპი და გრიპისმაგვარი დაავადებები ზოგადად ჰგავს H1N1–ის სიმპტომებს. ასეთი სიმპტომებით მომართვიანობა გაზრდილია, თუმცა ვერ ვიტყვით რომ გასულ წელთან შედარებით პაციენტების რაოდენობამ ბევრით მოიმატა. ჩვენს კლინიკაში, ლაბორატორიულად დადასტურებული „ღორის გრიპის“ შემთხვვა ჯერ–ჯერობით არ გვაქვს“ – ამბობს ახალციხის რეფერალური ჰოსპიტალის დირექტორი ხათუნა კეკელაშვილი.

გრიპის ვირუსით დაავადებული არაერთი პაციენტი გადის მკურნალობას კლინიკა „იმედშიც“: „განსაკუთრებით გაზრდილია მომართვიანობა ბავშვებში და ეს ყოველი წლის ამ დროს ასეა, თუმცა აქედან ჯერ „ღორის გრიპის“ შემთხვევა ლაბორატორიულად დაფიქსირებული არ არის. შეგვიძლია ვთქვათ, რომ ჩვენს კლინიკაში „ღორის გირიპით“ დაავადებული პაცინეტი არ გვყავს“, – გვითხრეს კლინიკაში.

„ღორის გრიპით“ საქართველოში ორი ადამიანი გარდაიცვალა, ერთი ბათუმში 24 დეკემებერს, მეორე კი ქუთაისში დღეს, 25 დეკემბერს.

გრიპის ვირუსით დაავადებულთა რიცხვი გაიზარდა. დაავადებათა კონტროლის ცენტრის ინფორმაციით, გასულ კვირაში 100 000 ადამიანიდან 185 გრიპის ვირუსით იყო ავად. გავრცელებული ვირუსების უმრავლესობა ე.წ. ღორის გრიპია.

[ლუბა გიორგაძე, ახალციხე]