რა იგეგმება ახალი წლის ღამეს ასპინძაში

სახალწლო ღონისძიება ასპინძაში 23:30 საათზე დაიწყება და 00:20 საათზე დასრულდება. კონცერტში მონაწილეობას მიიღებენ: ვაჟთა ფოლკლიროული ანსამბლი „წუნდა“, ქორეოგრაფიული ანსამბლი „სამცხე“ , ვალერიან მაღრაძის სამუსიკო სკოლის მოსწავლეები და ბავშთა ფოკლურულ –ინსტრუმენტლური ანსმბლი „ლალე“.

ღონისძიება სასულიერო პირის დალოცვით დაიწყება, დამდეგ ახალ წელს მოსახლეობას მიულოცავს მუნიციპალიტეტის პირველი პირიც.
როგორც ასპინძის მუნიციპალიტეტის კულტურის სამსახურში განმარტავენ, ღონისძიება ასპინძის ცენტრში, სკვერში გაიმართება.

ღონისძიებისთვის ადგილობრივი ბიუჯეტიდან 9 ათასი ლარი დაიხარჯება. 4.500 ლარით ფოიერვერკები შეიძინეს, ამდენივე თანხით კი ქალაქის ცენტრალური ქუჩები და სკვერები საახალწლო ნათურებით გაანათეს.

გარდა აღნიშნულისა, მუნიციპალიტეტის სოციალური მომსახურების სამსახური 75 ბენეფიციარს საახალწლო საჩუქარს გადასცემს, საჩუქრებს 31 დეკემბერს, დღის განმავლობაში დაარიგებენ. საჩუქრებს მიიღებენ 18 წლამდე შშმ პირები, მეორე მსოფლიო ომის ვეტერანები და სოციალურად დაუცველი ოჯახები, რომლებიც სათნოების სახლის ბენეფიციარები არიან. საჩუქრებისთვის ჯამში 3.549 ლარი დაიხარჯება.

[თინათინ ზაზაძე, ახალციხე]