რა ღონისძიებებია დაგეგმილი ახალ წელს სამცხე-ჯავახეთში

ახლციხეში საახალწლო ღონისძიებები 25 დეკემბრიდან დაიწყო, ადგილობრივი ანსამბლების და სოლო შემსრულებლების კონცერტის ფონზე ქალაქის მთავარი ნაძვის ხე აანთეს.

27 დეკემბერს 16:00-17:00 საათზე თოჯინების თეატრის სპექტაკლი „უცნაური მეგობრების ჯადოსნური ამბავი“ გაიმართება. დასწრება თავისუფალია.

28-31 დეკემბერს თოვლის პაპები და სანტაკლაუსები ტკბილეულით მიულოცავენ ახალციხის მუნიციპალიტეტის მოსახლეობას ახალ 2020 წელს.

გალაკონცერტი 31 დეკემბერს გაიმართება. მასში მონაწილეობას ადგილობრივი ანსამბლები და თბილისიდან ჩამოსული ცნობილი მომღერლები მიიღებენ.

იხილეთ განრიგი:

14:00-15:30 კონცერტი გაიმართება ახალციხის ცენტრალურ პარკში ადგილობრივი ვოკალური და ქორეოგრაფიული ანსამბლების და ინდივიდუალური შემსრულებლების მონაწილეობით;

15:30-15:45 საათი – ახალციხის მუნიციპალიტეტის მერისა და საკრებულოს თავმჯდომარის მილოცვა;

15:45-16:00 საათი – წარმატებული სპორტსმენების დაჯილდოება;

16:00-16:15 საათი – პროგრამა „მოხალისე 2019“ მონაწილე ახალგაზრდების დაჯილდოება. „დებატ-კლუბების“ პროგრამის მონაწილეთა დაჯილდოება;

16:30-18:00 საათი – კონცერტი ჯგუფი „რეზო და ბავშვები“-ს მონაწილეობით;

18:00 საათი – თოვლის პაპის მილოცვა;



29-30-31 დეკემბერს საახალწლო გამოფენა-გაყიდვა გაიმართება, სადაც წარმოდგენილი იქნება ადგილობრივი მეწარმეებისა და ხელოვანების პროდუქცია და თემატური ნამუშევრები.

31 დეკემბერს კი პატარებს გასართობ პროგრამას შესთავაზებენ. ასევე დაგეგმილია გალა კონცერტი და ფოიერვერკი.

იხილეთ 31 დეკემბრის პროგრამა:

31 დეკემბერს 12:00 სთ-დან პატარებისათვის მოეწყობა სპეციალური გასართობი პროგრამა. თოვლის ბაბუა მათ საჩუქრებსაც გადასცემს;

16:00 საათი – დაიწყება ბარაბან შოუ და ბერიკების შოუ;

18:00 საათი – საახალწლო კონცერტი გაიმართება ჯგუფების "ფრანისა და "რეგიონის" მონაწილეობით;

21:00 საათი – დაბა ბაკურიანი ცეცხლოვანი შოუ და ბარმენ შოუ;

22:30 საათი – ბაკურიანი გალაკონცერტი;



ასპინძასა და ადიგენში ღონისძიებები მხოლოდ 31 დეკემბერს გაიმართება. ორივე მუნიციპალიტეტში ჩატარდება კონცერტი, რომელშიც მონაწილეობას ადგილობრივი ფოლკლორული და ქორეოგრაფიული ანსამბლები მიიღებენ. საახალწლო ღონისძიება კი ფოიერვერკით დასრულდება.

ასპინძაში კონცერტი 22:30 საათზე დაიწყება, ხოლო ადიგენში 19:00 საათზე.



29 დეკემბერს 14:00 საათზე ნაზარეთიანის ქუჩაზე გაიმართება კონცერტი, ადგილობრივი ანსამბლების შესრულებით, ასევე პატარებს დაურიგებენ ტკბილეულს.

31 დეკემბერს, 18:00 საათზე გალა კონცერტი დაიწყება. მოსახლეობას საზეიმო განწყობას შეუქმნიან ანიმატორები. ღონისძიების მსვლელობისას დაჯილდოვდებიან 2019 წელს საუკეთესო შედეგების მქონე სპორტსმენები. ღონისძიება დასრულდება ფოიერვერკით.



27 დეკემბერს ნინოწმინდის მუნიციპალიტეტის 28 წარმატებულ სკოლადამთავრებულს ადგილობრივი თითმმართველობის წარმომადგენლები შეხვდებიან და სუვენირებს გადასცემენ. ამავე დღეს სოფლებში განსაკუთრებული საჭიროების მქონე ოჯახებს საახალწლო ნობათს დაურიგებენ. ადგილობრივი ხელისუფლების წარმომადგლები ნინოწმინდის ბავშვთა სახლს ესტუმრებიან.

28-30 დეკემბერს გაგრძლდება შეხვედრები სოფლებში, ვეტერანებთან, ასევე შეზღუდული შესაძლებლობის პირებთან და ობოლ ბავშვებთან.

31 დეკემბერს საღამოს 20:00 საათზე ნაძვის ხესთან გაიმართება კონცერტი, სადაც კულტურის სახლის მოსწავლეეები საკუთარ პროგრამას წარმოადგენენ. იქ იქნებიან თოვლის პაპასა და ფიფქიას ფორმაში გადაცმული მსახიობები.

კონცერტზე 500 ბავშვს საჩუქრებს გადასცემენ.

[მარიამ ბარძიმაძე, ახალციხე]