ახალციხის სომხურ სკოლას ეროვნულმა ბიბლიოთეკამ წიგნები გადასცა

ბიბლიოთეკისთვის წიგნების გადაცემის იდეა ამავე სკოლის ქართული ენისა და ლიტერატურის ყოფილ მასწავლებელს თამარ ჩილინგარაშვილს ეკუთვნის.

„დავუკავშირდი ეროვნული ბიბლიოთეკის დირექტორს. სკოლაში ქართული წიგნების დეფიციტი იყო და მინდოდა ბიბლიოთეკის შექმნა ქართული ენის კაბინეტში. ჩამოგვიტანეს საჩუქრად 500 წიგნი, ქართული, რუსული და სომხური ლიტერატურა“, – ამბობს თამარ ჩილინგარაშვილი, რომელიც ორი თვეა ამ სკოლაში აღარ მუშაობს.

ეროვნული ბიბლიოთეკის წარმომადგენლებმა ახალციხს სომხური სკოლის გარდა, ვალეს ბიბლიოთეკაც მოინახულეს. ხვალს კი სოფელ აწყურის ბიბლიოთეკას ესტუმრებიან.

„რამდენიმე თვის წინ ვალეს ბიბლიოთეკას 500–ლარიანი ვაუჩერი გადავეცით და ამით ახალი წიგნები შეიძინეს. ვაპირებთ ჩასვლას აწყურშიც, უნდა ვნახოთ ვაუჩერით შეძენილი წიგნები როგორ განათავსეს“, – ამბობს საქართველოს პარლამენტის ეროვნული ბიბლიოთეკის გენერალური დირექტორის მოადგილე მირიან ხოსიტაშვილი.

მისივე თქმით, უახლოეს მომავალში ახალქალაქის მუნიციპალიტეტს ესტუმრებიან, სადაც ახალი ბიბლიოთეკის გახსნან გეგმავენ.

[თინათინ ზაზაძე, ახალციხე]