ირაკლი ღარიბაშვილმა საგანგებო განცხადების გაკეთება 20:00 საათისთვის გადადო

ღარიბაშვილის ბრიფინგი მთავრობის ადმინისტრაციაში იგეგმება.

ინფორმაციაში, რომელიც საქართველოს მთავრობის ადმინისტრაციის პრესსამსახურმა გაავრცელა, განცხადების თემა კვლავ არ არის მითითებული.

შეგახსენებთ, დღეს დილიდან ვრცელდება ინფორმაცია პრემიერ–მინისტრის შესაძლო გადადგომის შესახებ. დილით მთავრობის კანცელარიაში განაცხადეს, რომ პრემიერი გადადგომას არ აპირებს, თუმცა, ახლა ამ ინფორმაციას არ უარყოფენ. უკვე სახელდება კონკრეტული სახლები და გვარები სხვადასხვა მინისტრების პოზიციებზე.

აქვე შეგახსენებთ, რომ საქართველოს კონსტიტუციის თანახმად, პრემიერ-მინისტრის თანამდებობიდან გადადგომის შემთხვევაში უფლებამოსილება მინისტრებსაც შეუწყდებათ. მთავრობის უფლებამოსილების შეწყვეტის შემთხვევაში, საქართველოს პრეზიდენტმა შვიდი დღის ვადაში საპარლამენტო უმრავლესობის მხრიდან შეთავაზებული პრემიერ-მინისტრობის კანდიდატი უნდა წარადგინოს, თავის მხრივ, ასევე შვიდი დღის ვადაში, პრემიერ-მინისტრობის კანდიდატი მინისტრთა კანდიდატურებს შეარჩევს და ნდობის მისაღებად პარლამენტს წარუდგენს. პარლამენტსაც შვიდღიანი ვადა აქვს გადაწყვეტილების მისაღებად.

[sknews.ge]