ახალციხე ქალაქ ეჩმიაძინში მცხოვრები მხატვრების გამოფენას მასპინძლობს

გამოფენა ახალციხის „დემოკრატიული ჩართულობის ცენტრში“ მოეწყო.

„ეს გამოფენა სომეხი და ქართველი ერის მეგობრობისთვის გაკეთდა, ჩვენ გვინდა, რომ გავაძლიეროთ ეს ურთიერთობა და ვითანამშრომლოთ საქართველოსთან. ყველა ნამუშევარი მნიშვნელოვანია, აქ წარმოდგენილია ძველი ეჩმიაძინის სახეები, ტრადიციები და ასე შემდეგ“, – ამბობს ეჩმიაძინის დეპუტატი და სამხატვრო ორგანიზაციის თავმჯდომარე ნერსეს მელიქიანი.

გამოფენაზე მოწვეული იყვნენ ქალაქ ახალციხის მერიისა და სომხური ახალგაზრდული ცენტრის წარმომადგენლები, ახალციხის სომხური სამოციქულო ეკლესიის წიმანძღვარი და მოქალაქეები.

„კულტურა ყოველთვის არის მშვიდობის და სიკეთის მომტანი, ასეთი გაცვლები ძალიან მნიშვნელოვანია, კარგი იქნება ჩვენი ნახატებიც თუ წავა სომხეთში, ჩვენ შევთავაზეთ მათ, რომ მსგავსი გამოფენები ახალციხელობის დღესასწაულზეც მოაწყონ, რომელიც 30 ივნისს იმართება“, – ამბობს ახალციხის მერი გიორგი კოპაძე.

ახალციხის შემდეგ მხატვრების ნამუშევრები ახალქალაქში გამოიფინება.

[თამარ თოთაძე, ახალციხე]