მესხი მხატვრების გამოფენა „ახალციხის ციხეზე“

დღეს, 6 ივლისს 15:00 საათზე ციტადელის საკონფერენციო დარბაზში მესხი მხატვრების ნამუშევრები გამოიფინა. დამთვალიერებლებს ენდი ბარბლიშვილის, ბექა კოპაძის, გურამ მღებრიშვილის და სხვა მხატვრების სულ 78 ნამუშევრის ნახვა შეეძლოთ .

„აბსტრაქციონისტი ვარ. აქ ჩემი სულ 16 მდე ნამუშევარია გამოტანილი. ბავშვობიდან ვხატავ. ხატვა ჩემთვის ყველაფერია. თბილისში ჩემი ნამუშევრები გამოფენებზე ხშირად გამაქვს და ახლა ძალიან გამიხარდა, რომ ჩემს კუთხეშიც გამოფინეს“,– თქვა მხატვარმა ენდი ბარბლიშვილმა.

გამოფენას ორგანიზება მხატვრების მეგობარმა ნათელა ბარბლიშვილმა გაუწია. მისი თქმით, მას ამაში „ახალციხის ციხის“ დირექტორის ზაზა თამარაშვილი დაეხმარა.

„ეს მხატვრები თბილისში არიან ცნობილები და ამიტომ გადავწყვიტე, რომ მათი გამოფენისათვის ორგანიზება ახალციხეში გამეწია. მათ ფეხი ჩვენს კუთხეში აიდგეს და მინდოდა რომ აქაურებს კარგად გაეცნოთ ისინი“, – ამბობს ნათელა ბარბლიშვილი.





[მარიამ ბარძიმაძე, ახალციხე]