სახელმწიფოს მიერ პროგრამულად დაფინანსებულ უნივერსიტეტებს სამცხე – ჯავახეთის უნივერსიტეტიც დაემატა

როგორც განათლებისა და მეცნიერების მინისტრი თამარ სანიკიძე ამბობს აღნიშნულ უმაღლეს სასწავლებელში უფასო მიმართულებებისთვის 360 ადგილი გამოიყო. შესაბამისი ცვლილება და სახელმწიფო სასწავლო გრანტის წლიური მოცულობების ოდენობა და პროგრამული დაფინანსების მოცულობა მინისტრთა კაბინეტმა უკვე განიხილა.

წელს სულ გამოყოფილია 5653 ადგილი. სახელმწიფოს მხრიდან პროგრამულ დაფინანსებას შემდეგი უნივერსიტეტები მიიღებენ:
– ივანე ჯავახიშვილის სახელობის თბილისის სახელმწიფო უნივერსიტეტი;
– საქართველოს ტექნიკური უნივერსიტეტი;
– ილიას სახელმწიფო უნივერსიტეტი;
– აკაკი წერეთლის სახელმწიფო უნივერსიტეტი;
– ბათუმის შოთა რუსთაველის სახელმწიფო უნივერსიტეტი;
– სოხუმის სახელმწიფო უნივერსიტეტი;
– იაკობ გოგებაშვილის სახელობის თელავის სახელმწიფო უნივერსიტეტი.
-სამცხე- ჯავახეთის სახელმწიფო უნივერსიტეტი.

[sknews.ge]