წალკა–ნინოწმინდის გზიდან 140–დე მგზავრი გამოიყვანეს

ფოტო: jnews.ge

შინაგან საქმეთა სამინისტროს ინფორმაციით ამ დროისთვის წალკა–ნინოწმინდის გზიდან ყველა მგზავრი გამოყვანილია. ასევე, გამოყვანილია ავტომობილების დიდი ნაწილი. დარჩენილი მანქანების გამოსაყვანად კი სამუშაოები კვლავ გრძელდება.

როგორც რეგიონული განვითარებისა და ინფრასტრუქტურის სამინისტროში აცხადებენ, გზა წალკა–ნინოწმინდისა და ახალციხე – ბათუმის მიმართულებით უამინდობის გამო ჯერ ვერ გაიხსნება.

შეგახსენებთ, რომ გუშინ ღამით სამცხე–ჯავახეთში უამინდობის გამო ტიკმატაჟისა და გოდერძის უღელტეხილები ჩაიკეტა. წალკა–ნინოწმინდის გზაზე ჩარჩენილი იყვნენ მგზავრები.

[თამუნა უჩიძე, ახალციხე]