ბათუმი–ახალციხის მიმართულებით გზა ჩაიკეტა

ბათუმი–ახალციხის საავტომობილო გზაზე მოძრაობა ჯერ შეფერხებული იყო, შემდეგ კი ამინდის გაუარესების გამო გზა ჩაიკეტა. ამ დროისთვის გამოყვანილია 30–მდე მგზავრი და შვიდი ავტომანქანა.

აჭარის მთავრობის თავმჯდომარის მოვალეობის შემსრულებელის ნუგზარ სურმანიძეს თქმით, გზაზე ვითარება მძიმეა. ჩარჩენილი მგზავრები აჭარის მიმართულებთ იყვნენ. როგორც „სამხრეთის კარიბჭეს“ შინაგან საქმეთა სამინისტროში განუცხადეს სამცხე–ჯავახეთში მგზავრებთან დაკავშირებით პრობლემა არ შექმნილა.

რეგიონული განვითარებისა და ინფრასტრუქტურის სამინისტროს საზოგადოებასთან ურთიერთობის სამსახურში აცხადებენ, რომ გზა ძლიერი ქარბუქის გამო ჩაიკეტა: „მობილიზებულია ტექნიკა და გზის გაწმენდითი სამუშოები ამ დრომდე მიმდინარეობს“.



[თამუნა უჩიძე, ახალციხე]