წალკა–ნინოწმინდის გზაზე თოვლში ჩარჩენილები დახმარებას ითხოვენ

ძლიერი თოვლისა და ქარბუქის გამო, ღამის 24:00 ამ დრომდე საათიდან წალკა–ნინოწმინდის საგზაო მონაკვეთზე ჩარჩენილი მგზავრები სამაშველო სამსახურის თანამშრომლებს ელიან.

„მანქანაში მე და კიდევ ორი ქალბატონი ვიმყოფებით. წალკიდან დაახლოებით 23:30 საათისთვის წამოვედით. ვფიქრობდით, რომ გადავასწრებდით, მაგრამ ამინდი ისე გაუარესდა, რომ წინ ვეღარ წავედით“,– ამბობს მგზავრი ჯამბულ ხმალაძე.

მისი თქმით, წინ კიდევ ორი მანქანაა თოვლში ჩარჩენილი:“ მაშინვე გამოვიძახეთ სამაშველო სამსახური. წალკიდან პოლიციის პიკაპი მალევე მოვიდა, მგარამ ვიდრე ჩვენ მოგვიახლოვდებოდა თოვლში ჩარჩა. როგორც ვხედავ პიკაპის უკან კიდევ დაახლოებით ორი მანქანაა“.

ხმალაძის განცხადებით,სამაშველო სამსახურიდან ბოლოს, დღე,13 ნოემბერს, დილის 08:00 საათისთვის უთხრეს, რომ გრეიდერი მუშაოდა და მათ გამოყვანას შეძლებდნენ,თუმცა ამ დრომდე დასახმარელად ვერავინ მიაღწია:“მანქანაში საწვავი გველევა, ცოტა ხანში სითბო აღარ გვექნება, არ გვაქვს წყალი და საჭმელი.გვეთიშება მობლური ტელეფონები,თუ დროზე ვერ მოვლენ და ამინდიც გაუარესდება, ალბათ აქედან გაყინულებს წაგვიღებენ“.

როგორც სამაშველო სამსახურში აცხადებენ, გრეიდერები მუშაობენ და ფიქრობენ რომ თოვლში ჩარჩენილებთან დრულად მიაღწევენ:“ სტიქიაა და მუშაობა უჭირთ“.

[თამუნა უჩიძე, ნინოწმინდა]