თოვლის გამო წალკა–ნინოწმინდის გზა ჩაკეტილია

წალკა – ნინოწმინდის გზა. ფოტო: jnews.ge

თოვა ნინოწმინდის, წალკისა და თეთრიწყაროს რაიონებში გუშინ, 17 ნოემბერს, საღამოს, 21:00 საათიდან დაიწყო, რის გამოც, გზის ამ მონაკვეთზე მოძრაობა გართულდა. თოვას თან ქარბუქი და ნისლი ერთვოდა. ღამით, დაახლოებით 24:00 საათიდან, ნინოწმინდა – წალკის გზა დაიკეტა.

როგორც სააგენტო jnews.ge წერს, საგზაო სამსახურის ინფორმაციით, დიდი თოვლის გამო ამ დროისთვის გზის გაწმენდა ვერ მოხერხდა, ამიტომ, გზა ხვალამდე დაკეტილი იქნება.

ამ მიმართულებით გზაზე საპატრულო პოლიცია პატრულირებს.

თოვლს ჯერჯერობით პრობლემები არ შეუქმნია ნინოწმინდის მუნიციპალიტეტში. ადმინისტრაციული ცენტრიდან სოფლებამდე მისასვლელი გზა ყველგან გახსნილია.

"რაც შეეხება ქალაქ ნინოწმინდას, აქ ჯერ დასუფთავების სამსახურს ტროტუარებისა და ქალაქის ქუჩების გაწმენდვა არ დაუწყია",– წერს ნინოწმინდის რადიო ნორი.

[sknews.ge]