პოლონური გამოცდილება „სამხრეთის კარიბჭეში“

„პოლონეთის სხვადასხვა გამოცემებში ვიზიტისას ვავლებდი პარალელს „სამხრეთის კარიბჭესთან“ და დაბრუნებულმა უკვე ყოველთვის ზუსტად ვიცოდი რა უნდა გამეკეთებინა. ამ ვიზიტებმა დამარწმუნა, რომ ყველაზე მთავარი, საქმისადმი მიდგომა უნდა შეგვეცვალა. უნდა გვფიქრა მკითხველის პოზიციიდან და არა რედაქტორის, ან გამომცემლის. შედეგად, გაზეთში გაჩნდა ის მიმართულებები, რაც მე, როგორც გაზეთის გამომცემელს შესაძლოა აქამდე უინტერესოდაც კი მიმაჩნდა. შედეგი ყოველთვის პირველივე კვირასვე თვალშისაცემი ხდებოდა. ვფიქრობ, რომ პოლონურმა გამოცდილებამ „სამხრეთის კარიბჭეს“ ახალი სიცოცხლე შთაბერა. ამ ყველაფრისთვის კი მადლობა პოლონელ კოლეგებს“, – ამბობს „სამხრეთის კარიბჭეს“ დირექტორი ლელა ინასარიძე.

„სამხრეთის კარიბჭე“ სასურსათო მაღაზიებში; უფასო განცხადებების ყუთები ქალაქში; მცირე განცხადებები გაზეთში; ახალი რუბრიკები; კვირის ახალშობილები – ეს მხოლოდ მცირე ჩამონათვალია იმ ცვლილებების, რაც „სამხრეთის კარიბჭემ“ პოლონური გამოცდილების მიხედვით დანერგა და სამომავლოდაც არაერთი ცვლილების განხორციელებას გეგმავს.

[sknews.ge]