ახალციხეში ხანძარი, რომელიც საცხოვრებლის სათავსოს გაუჩნდა, ლოკალიზებულია

ადგილზე ახალციხის სახანძრო სამსახურის რამდენიმე ბრიგადა მუშაობს. მეხანძრეებმა ხანძრის ლოკალიზება შეძლეს, ცეცხლის სახლებზე გადასვლის საშიშროება აღარ არსებობს.

შეგახსენებთ, ახალციხელის 10 ნომერში ხანძარი დაახლოებით 20:00 საათზე გაჩნდა. ცეცხლი ერთ–ერთი საცხოვრებელი სახლის სათავსოს მოედო. სახლში ხანდაზმული ცოლ–ქმარი ცხოვრობს. რამ გამოიწვია ხანძარი, ამ ეტაპზე დაუდგენელია.

ადგილზე ამ დრომდე რჩებიან სახანძრო სამსახურები და სამართალდამცველები. ახალციხელის ქუჩაზე უკვე 5 სახანძრო მანქანა მუშაობს. ელოდებიან ბრიგადას ასპინძიდანაც.

შემთხვევის ადგილზე იმყოფებიან ადგილობრივი ხელისუფლების წარმომადგენლებიც.

[sknews.ge]