ახალციხეში საცხოვრებელი სახლის სათავსო იწვის

ახალციხელის ქუჩაზე ხანძარი დაახლოებით 20:00 საათზე, 10–15 წუთის წინ შენიშნეს. სახლში ხანდაზმული ცოლ–ქმარი ცხოვრობს, ორივე მათგანი გარეთაა.

სახლის მეპატრონის თქმით, ხანძრის გამომწვევი მიზეზი მისთვის უცნობია: "სახლში ვიყავი, შინდს ვარჩევდით, არ ვიცით საიდან გაჩნდა ცეცხლი".

შემთხვევის ადგილას იმყოფებიან ახალციხის მუნიციპალიტეტის გამგებელი ზაზა მელიქიძე და ახალციხის მერის მოადგილე ზაზა თამარაშვილი. ასევე, შემთხვევის ადგილას მობილიზებულია ახალციხის სახანძრო–სამაშველო სამსახურის სამი მანქანა. ადგილზე იმყოფებიან სამართალდამცველებიც.

[sknews.ge]