ახალციხეში ხანძარი ლოკალიზებულია [ფოტო]

ასპინძის ქუჩაზე მდებარე ორსართულიანი შენობა, რომელსაც ცეცხლი გაუჩნდა, სამცხე-ჯავახეთის სატყეო სამსახურის ეზოში მდებარეობს და ეროვნული სატყეო სააგენტოს ბალანსზეა. ადგილობრივები ამბობენ, რომ იგი წლების განმავლობაში დაცლილი იყო.

„ადრე ცხოვრობდნენ ვიღაცები, კარგა ხანია აღარავის უცხოვრია, დაცლილი იყო“, - ამბობენ ადგილობრივები.

შენობას ცეცხლი დაახლოებით 18:30 საათზე მოედო. მის ჩაქრობას თავიდან ორი სახანძო სამაშველო მანქანა ცდილობდა. ამ დროისათვის ადგილზე ოთხი მანქანა მუშაობს.

„ეს ყოფილა სატყეოს ბალანსზე არსებული შენობა და არა საცხოვრებელი სახლი. ამ დრიოსათვის ცეცხლი ლოკალიზებულია“, - აცხადებენ საგანგებო სიტუაციების მართვის სამსახურში.

ცეცხლის სხვა შენობაზე გადასვლის საშიშროება არ არსებობს.

ადგილზე მობილიზებულია საპატრულო პოლიციისა და სასწრაფო სამსახურის ჯგუფები.





[თაკო ფექირიშვილი, რობი ზარიძე ახალციხე]