ახალციხეში, თამარაშვილის ქუჩაზე მეორე დღეა წყლის მილია დაზიანებული

თამარაშვილის ქუჩაზე მცხოვრებლები ამბობენ, რომ წყლის მილი ამ ადგილას ხშირად ზიანდება.

"თვეში ოთხჯერ მაინც ფუჭდება, გუშინ კიდე გაფუჭდა, ალბათ ხვალ მოვლენ და გააკეთებენ. წყალი რომ წყდება აქაც აღარ ამოდის", – ამბობენ ადგილობრივები.

არსებული პრობლემის შესახებ საქართველოს გაერთიანებული წყალმომარაგების კომპანიაში "სამხრეთის კარიბჭესგან" შეიტყვეს. საზოგადოებასთან ურთიერთობის სამსახურის წარმომადგენლის თქმით, ტექნიკური სამსახურის თანამშრომლებს უკვე ესაუბრა, რომლებიც ადგილზე მივლენ, გაარკვევენ რატომ დაზიანდა წყლის მილი და შესაბამის რეაგირებას მოახდენენ.


[თამარ თოთაძე, ახალციხე]