ორ კვირაზე მეტია ვარხნის მოსახლეობას სასმელი წყალი არ მიეწოდება

მეორე კვირაა სოფელ ვარხნის მოსახლეობას სასმელი წყალი არ აქვს. ადგილობრივები წყალს მეზობელ სოფლიდან, ხევაშენიდან ეზიდებიან. ვარხანში ამბობენ, რომ შეფერხება „კურცხანის“ სასმელი წყლის სისტემის სარეკონსტრუქციო სამუშაოებმა გამოიწვია: „ორი კვირაა ვარხანში წყალი არ მოსულა, თუმცა ეს სამუშაოები, რომ ტარდება ძალიან კარგია“.

ადიგენის მუნიციპალიტეტის გამგეობის პრესსამსახურის წარმომადგენელი მამუკა კალანდაძე ამბობს, რომ ამ ორი კვირის განმავლობაში მოსახლეობას წყალს პერიოდულად აწვდიდნენ.

მისივე თქმით, სამუშაოები ნოემბრის ბოლოს დასრულდება.

„კურცხანის“ სასმელი წყლის სათავე– ნაგებობის სამშენებლო სამუშაოებისთის, 639, 605 ლარია გამოყოფილი.

[ვარლამ წიკლაური, ადიგენი]