ადიგენის რვა სოფელში სასმელი წყლის მიწოდება აღდგა

ადიგენის მელიორაციის სამსახურის ხელმძღვანელის, მამუკა დემეტრაძის თქმით, სასმელი წყლის ცენტრალური სისტემის დაზიანებული ნაწილის აღდგენა გუშინ, 24 სექტემბერს დასრულდა.

„გუშინვე ნაწილ–ნაწილ დავიწყეთ სოფლებისათვის წყლის მიწოდება და დღეს უკვე ყველას სრულად მიეწოდება“, – გვითხრა მამუკა დემეტრაძემ.

დილით, კურცხანის სასმელი წყლის სისტემა 23 სექტემბერს დაზიანდა, რის გამოც რვა სოფელს – ვარხანს, აბასთუმანს, საღრძეს, ხარჯამს, წახანს, ხევაშენს, ბენარასა და უნწას სასმელი წყლის მიწოდება შეუწყდა.

მელიორაციის სამსახურის ხელმძღვანელის თქმით, ცენტრალური სისტემის დაზიანება, მისმა სიძველემ გამოიწვია: „ეს სისტემა 1970–იან წლებშია გაკეთებული და უკვე ვეღარ უძლებს წყლის დატვირთვას“.

კურცხანის წყლის სისტემის ყველაზე დაზიანებული მონაკვეთების რეაბილიტაციისათვის, ადიგენის მერიამ ტენდერიც გამოაცხადა. ტენდერში მონაწილეობისთვის მსურველებს განაცხადების შეტანა 28 სექტემბრამდე შეუძლიათ.

სისტემის რეაბილიტაციისათვის ტენდერი 84 683 ლარზე გამოცხადდა.

[ლუბა გიორგაძე, ადიგენი]