სოფელ ტაძრისთან ხანძარი ლოკალიზებულია

ბორჯომი-ასპინძის დამაკავშირებელ მონაკვეთზე, კოდიანის ტყეში გაჩენილი ხანძარი ამ დროისთვის ლოკალიზებულია. ადგილზე მთელი ღამის განმავლობაში მუშაობდნენ რეგიონის სახანძრო-სამაშველო სამსახურის ბრიგადები. შსს–ს ინფორმაციით, ადგილზე მობილიზებული იყვნენ ქარელის, კასპის, გორის, ხარაგაულის და ხაშურის სახანძროს თანამშრომლები. ხანძრის ჩაქრობის პროცესში სულ მონაწილეობდა 6 სახანძრო-სამაშველო მანქანა და 150-ზე მეტი მეხანძრე-მაშველი. თბილისიდან ხანძრის ქრობის განყოფილებიდან დამატებით 5 კაციანი ჯგუფი გაიგზავნა. ხანძრის შედეგად არავინ დაშავებულა.

"ორი დღე და ღამეა მუშაობენ ხანძრის ჩასაქრობად. სალიკვიდაციო სამუშაოები ამ დრომდე გრძელდება", – ამბობს ეროვნული სატყეო სააგენტოს პრესსამსახურის წარმომადგენელი ანი ანდრონიკაშვილი.

მისი თქმით მიუხედავად იმისა, რომ ხანძარი მიუდგომელ ადგილზეა გაჩენილი, ჩასაქრობად ვრეტმფრენის გამოძახების აუცილებლობლობის საჭიროება არ იყო.

[თინათინ ზაზაძე, ბორჯომი]