წინუბნის ტყეში გაჩენილი ხანძარი ლოკალიზებულია

„ახალციხის ტყეში ხანძარი ლოკალიზებულია, გავრცელების საფრთხე მოხსნილია. ადგილზე მონიტორინგის მიზნით რჩება 70-მდე მეხანძრე-მაშველი. გათენებისთანავე გაგრძელდება სალიკვიდაციო სამუშაოები“, - განაცხადეს საზოგადოებასთან ურთიერთობის სამსახურში.

ახალციხეში, სოფელ წინუბნიდან დაახლოებით 20 კილომეტრში, ბორჯომ–ხარაგაულის ეროვნული პარკის ტერიტორიაზე ხანძარი დღეს, 30 აგვისტოს გაჩნდა.

ცეცხლს მეხანძრე–მაშველებთან და რეინჯერებთან ერთად ადგილობრივებიც აქრობდნენ.

[მარიამ ბარძიმაძე]