საგანგებო: ბორჯომის ხეობაში ხანძრის შედეგად 2.5 ჰექტარი ტყის მასივი დაიწვა

„სასაზღვრო ვერტმფრენი მალე დაასრულებს მუშაობას, მეხანძრეებთან ერთად ხანძრის სალიკვიდაციო სამუშაოებში აქტიურად არიან ჩართულები მეტყევეებიც“, – აცხადებენ საგანგებო სიტუაციების მართვის სამსახურში.

ბორჯომის ხეობაში ხანძარი ორ ლოკაციაზე გუშინ, 15 მაისს დაახლოებით 14:00 საათზე გაჩნდა.

ადგილზე თბილისის, ბორჯომის, ახალციხის, ასპინძისა და ადიგენის სახანძრო-სამაშველო განყოფილებების 150-მდე მეხანძრე-მაშველი მუშობდა. რთული რელიეფის გამო, ხანძრის ქრობის პროცესში ჩაერთო ერთი ვერტმფრენი.

ანდრე ქუჯაიძის განმარტებით, ხანძრის გავრცელების საშიშროება აღარ არსებობს, ორივე კერაზე სალიკვიდაციო სამუშაოები დღის ბოლომდე დასრულდება.

[ლუბა გიორგაძე, ბორჯომი]