ახალციხეში ავარიისას დაშავებული მამაკაცი გარდაიცვალა

როგორც კლინიკა „იმედში“ განმარტავენ, 76 წლის მამაკაცი გუშინ, 26 ივნისს საავადმყოფოში მიყვანიდან სამ საათში, დაახლოებით ღამის 12:00 საათზე გარდაიცვალა. მას შინაგანი ორგანოების მრავლობითი დაზიანებები ჰქონდა.

შეგახსენებთ, რომ ავტოსაგზაო შემთხვევა გუშინ, დაახლოებით, 19:30 საათზე მოხდა. თვითმხილველების თქმით, „TOYOTA VITZ“ მოცურდა, მძღოლმა საჭე ვეღარ დაიმორჩილა და ხევში გადავარდა.

ადგილზე, სასწარფო სამედიცინო დახმარების მისვლამდე 76 წლის მამაკაცი კონტაქტური იყო.

საქმეზე, შსს–მ ძიება 176–ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

[sknews.ge]