'ძალიან არ მინდა შევარდნაძის დრო დაბრუნდეს' – ბორჯომელები დენის ტარიფის გაძვირებაზე [Video]

მთავარი → დღის კითხვა, ვიდეო 23.07.2015

"ენერგო–პრო ჯორჯიას" მომხმარებლისთვის ელექტროენერგიის ტარიფი 3,348 თეთრით გაიზარდა. დენის ტარიფის ზრდამ მოსახლეობის უკმაყოფილება გამოიწვია. რას ფიქრობს ბორჯომში მცხოვრები მოსახლეობა ამ საკითხზე – "სამხრეთის კარიბჭემ" ადგილობრივები გამოკითხა.

"ენერგო-პრო ჯორჯიას" მომხმარებლისთვის ელექტროენერგიის სამომხმარებლო ტარიფი დღგ-ს გარეშე, 3,348 თეთრით გაიზარდა. დღგ-ს ჩათვლით კი, მომხმარებელს დაახლოებით, 3,95 თეთრით გაძვირებული ტარიფის გადახდა მოუწევს. შესაბამისი გადაწყვეტილება საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ დღეს, 23 ივლისს მიიღო.

"სამხრეთის კარიბჭე" დაინტერესდა რას ფიქრობს მოსახლეობა დენის ტარიფის გაძვირებაზე და ბორჯომში შემთხვევითი შერჩევის პრინციპით მოსახლეობა გამოკითხა. ადგილობრივები გადასახადის გაძვირებაზე უკმაყოფილებას გამოთქვამენ და ამბობენ, რომ მოსახლეობას იმედი ჰქონდა, რომ დენის ტარიფი გაიაფდებოდა. თუმცა, ამის ნაცვლად გაძვირდა.

[თინათინ ზაზაძე, თამარ თოთაძე, ბორჯომი]