ახალციხეს დენის მიწოდება აღუდგა

"რამდენიმე საათიანი მუშაობის შემდეგ ენერგო–პრო ჯორჯიას ტექნიკურმა სამსახურმა დაახლოებით 20 000 აბონენტს მიაწოდა ელექტროენერგია. 50 000–მდე აბონენტი კვლავ დენის გარეშე რჩება", - აცხადებენ "ენერგო-პრო ჯორჯიაში".

კომპანიაში ამბობენ, რომ ძლიერმა ქარმა დააზიანა ელექტროენერგიის გადამცემი ხაზები და აბონენტების გათიშვა ამან გამოიწვია.

"უამინდობა ხელს უშლის სარეაბილიტაციო სამუშაოების წარმოებას, თუმცა ენერგო–პრო ჯორჯიას ტექნიკური ბრიგადები განაგრძობენ საგანგებო რეჟიმში მუშაობას და ყველაფერს აკეთებენ იმისათვის, რომ რაც შეიძლება დროულად მოხდეს ელექტროენერგიის მიწოდებბის აღდგენა", - ამბობენ "ენერგო-პრო ჯორჯიაში".

შეგახსენებთ, დილიდან ახალციხის რამდენიმე უბანს დენი არ მიეწოდებოდა.

[sknews.ge]