სემეკ–მა რეგიონებისთვის ბუნებრივი აირის ტარიფი დაადგინა

„რეგიონებში მცხოვრები მოსახლეობისთვის ბუნებრივი აირის ტარიფი უცვლელი, 56 თეთრი რჩება, ხაზგასასმელია ის, რომ ჩვენ სამომხმარებლო ტარიფებს რეგიონებისთვის ვადგენთ დროებით, ექვსი თვის ვადით და შემდეგ მოგვიწევს გადახედვა, თუმცა მაინც ვფიქრობ, რომ მოსალოდნელი არ იქნება ტარიფების ზრდა, მიმდინარეობს მოლაპარაკებები აზერბაიჯანსა და საქართველოს შორის უკვე განხორციელებული ინვესტიციების ასახვა–დადასტურებათან დაკავშირებულ საკითხებზე. ასე რომ, ეს არის ერთ–ერთი განმაპირობებელი ფაქტორი, რატომაც ჩვენ სამწლიან ტარიფს არ ვადგენთ, თუმცა როგორც კი ეს მოლაპარაკებები დასრულდება გრძელვადიან ტარიფს დავადგენთ" – ამის შესახებ საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ განაცხადა.

[sknews.ge]