ქართული ენისა და ლიტერატურის გამოცდა დასრულდა

ერთიანი ეროვნული გამოცდების პირველი საგნის, ქართული ენისა და ლიტერატურის გამოცდა ორი დღის განმავლობაში, დღეში ორ სესიად მიმდინარეობდა. პირველ დღეს, ორივე სესიაზე, 255–255 აბიტურიენტიდან გამოცდაზე 2–2 არ გამოცხადდა, მეორე დღეს პირველ სესიაზე 254–დან 14 არ გამოცხადდა, მეორე სესიაზე კი 240 –დან 2.

ჯამში, ქართული ენისა და ლიტერატურის გამოცდა ახალციხის საგამოცდო ცენტრში, 1004 აბიტურიენტს უნდა ჩაებარებინა და აქედან საგამოცდო ცენტრში 20 მათგანი არ გამოცხადდა.

გამოცდიდან გამოსული აბიტურიენტები ამბობენ, რომ მთლიანობაში გამოცდა არ გასჭირვებიათ, თუმცა, რამდენიმე დავალება საკმაოდ რთული იყო.

„ ესე იყო ძალიან მარტივი იმასთან შედარებით, რასაც ველოდით. შედარებით რთული იყო ნაცნობი და უცნობი ტექსტი. რედაქტირებაში იყო უცხო ტიპის შეცდომები,რაც ყველას გვერთულა. დანარჩენს რაც შეეხება, ყველაფერში ვარ კმაყოფილი და ველოდები ნორმალურ შეფასებას“, – ამბობს აბიტურიენტი თამარ ბაგინაშვილი

შეგახსენებთ, რომ ერთიანი ეროვნული გამოცდები, გუშინ, 2 ივლისს ქართული ენისა და ლიტერატურის გამოცდით დაიწყო და გაგრძელდება 6–7 ივლისს ზოგადი უნარების გამოცდით.

[თეონა თაბუნიძე, ახალციხე]