ბაკურიანში დიდველის სათხილამურო არეალი გაიხსნა

აღნიშნულ არეალზე ოთხი საბაგიროა: გონდოლას ტიპის, სკამებიანი (ბაბლი), ბიგელი და ფუნიკულიორი. კურორორტზე 16 კილომეტრიანი რვა სათხილამურო გზაა, რომელიც ყველა კატეგორიის მოთხილამურისათვის არის გათვლილი.

დიდველზე სასრიალო გზების უსაფრთხოებას სამაშველო სამსახური და მოთხილამურე პატრულები უზრუნველჰყოფენ. საბაგიროები ყოველ დღე, 10:00-16.45 საათამდე იმუშავებს.

აქვე დამონტაჟებულია ხელოვნური გათოვლიანების სიტემა. 2000 მეტრიან სათხილამურო გზას 34 თოვლის საფრქვევი აპარატი და ორი ზარბაზანი ათოვლიანებს.

სატხილამურო გზებზე ღამეც შესაძლებელია სრიალი, ფუნქციონირებს მაღალტექნოლოგიური ფერადი განათებები, ე.წ "ლედ განათებები".

დამონტაჟებულია სამთო-სათხილამურო კურორტების დამატებითი ატრაქცია "ტობოგანი", ანუ მთის ციგა. "ტობოგანის" მშენებლობა სლოვაკურმა კომპანია "Tatralift"-მა განახორციელა. ტრასის სიგრძე 960 მეტრია.

გასულ წელს, კურორტზე საინფორმაციო ცენტრი შეიქმნა, რომელიც საერთაშორისო და ადგილობრივ ტურისტებს საშუალებას აძლევს შეიძინონ სასურველი აბონემენტი რიგში დგომის გარეშე და დეტალური ინფორმაცია მიიღოს ამინდისა და სასრიალო გზების შესახებ, ასევე კვების ობიექტების, სატრანსპორტო საშუალებებისა და საზოგადოებრივი ტრანსპორტის მიმოსვლის განრიგს.

[sknews.ge]