დიდველის სათხილამურო ტრასა ‘ნოდო’ გაიხსნა

მთის კურორტების განვითარების კომპანიის ინფორმაციით, „ნოდოს“ სათხილამურო ტრასა ხელოვნური გათოვლიანების სისტემის დახმარებით გაიხსნა.

„წყალმომარაგების კომპანიამ შეძლო შესაბამისი ოდენობის წყლის რესურსის მოწოდება, რათა ამოქმედებულიყო ხელოვნური გათოვლიანების სისტემა, რომელიც ხელს არ შეუშლის ბაკურიანის დამსვენებლების წყლით უზრუნველჰყოფას. 2000-მეტრიან სათხილამურო გზას 34 თოვლის საფრქვევი აპარატი და 2 ზარბაზანი ათოვლიანებს“, - განმარტავენ მთის კურორტების განვითარების კომპანიაში.

„ნოდოს“ სათხილამურო გზაზე სრიალი მოყვარულებს 20 იანვრიდან 10:00-17:00 საათამდე იქნება შესაძლებელი.

[sknews.ge]