სოფელ მუგარეთში მტაცებელმა პირუტყვი დაგლიჯა

როგორც ახალციხის მუნიციპალიტეტის გამგებლის წარმომადგენელი სოფელ მუგარეთში, გიორგი ბლიაძე ამბობს,შემთხვევა სავარაუდოდ გუშინ, 18 ივნისს, ღამე მოხდა.

„დღეს დილით გავიგე, რომ მტაცებელს ორი ხბო დაუგლეჯია. არ ვიცით ეს რომელი მტაცებელი იყო, მგელი თუ აფთარი. წესით ახლა მგელი მთაში უნდა იყოს, რადგან მოსახლეობას პირუტყვი იქ ჰყავს“, – ამბობს გიორგი ბლიაძე.

როგორც ადგილობრივები ამბობენ პირუტყვი მკვდარი დღეს დილით ნახეს.

„მანამდე მსგავი შემთხვევა არ მომხდარა, სოფელში არავის შეუნიშნავს მტაცებელი“, – აცხადებენ ადგილობრივები.

როგორც გიორგი ბლიაძე ამბობს, დაზარალებული ოჯახი აპირებს, რომ დახმარება ადგილობრივ გამგეობას სთხოვოს. დაზარალებულებს ჯერ არავისთვის მიუმართავთ.

[მანანა სარაშვილი, ახალციხე]