მუგარეთში პირუტყვი სავარაუდოდ აფთარმა დაგლიჯა

ახალციხის მუნიციპალიტეტის გამგებლის წარმომადგენელი სოფელ მუგარეთში გიორგი ბლიაძე ამბობს, რომ ნაკბენების მიხედვით ცხოველი აფთარი უნდა იყოს: „მგელი რომ ყოფილიყო, გამოწოვდა სისხლს. ერთი ხბო დაგლეჯილია, მეორე კი დაკბენილი და თავისი ფეხით მივიდა სახლში. ამ ნაკბენების მიხედვით, თავდამსხმელი აფთარი უნდა იყოს“.

მისი თქმით, ოჯახს დასახმარებლად არავისთვის მიუმართავს.

ახალციხის მუნიციპალიტეტის გამგეობის საზოგადოებასთან ურთიერთობის სამსახურის სპეციალისტის ჯილდა უჩიძის განმარტებით, გამგეობაში მომხდარზე შეტყობინება არ შესულა. ამ დრომდე არც დაზარალებული მისულა გამგეობაში.

შეგახსენებთ, გუშინ,18 ივნისს, ღამით, ახალციხის მუნიციპალიტეტის სოფელ მუგარეთში მტაცებელმა ლომიძეების შინაური პირუტყვი დაგლიჯა.

[თამარ თოთაძე, ახალციხე]