სოფელ ფერსაში მგელმა საქონელი დაგლიჯა

10 სექტემბერს, დაახლოებით 16:00 საათზე სოფელ ფერსაში მცხოვრები ოძილაურების ოჯახის ორი სული საქონელი მგელმა შეჭამა. ადგილობრივების თქმით, ნადირი სოფელთან ახლოს 100-200 მეტრში ჩამოდის და შინაურ ცხოველებს თავს ესხმის.

მათივე თქმით, ეს მგლის შემოსვლის პირველი შემთხვევა არ არის: „ამ წელს უკვე ექვსი სული შეჭამა მგელმა. დღეს ორი იყო, ერთი კვირის წინ ჩემი ხბოც შეჭამა, ხუთ თვიანი, წლევანდელი ხბო იყო, საბალახოდ მყავდა გაშვებული“, - ამბობს თეიმურაზ მიგრიაული.

სოფელში ამბობენ, რომ ნადირის დასახლებასთან მოსვლის შემთხვევები ხშირია, თუმცა მგელზე ნადირობა ისჯება ამიტომ ერიდებიან.

[თაკო ფეიქრიშვილი, ახალციხე]