სოფელ ტყემლანაში მგელმა ცხვრები დაგლიჯა

როგორც ზინა კაპანაძე ყვება, დილით, საცხვარეში შესულებს, ცხვრები დაგლეჯილი დახვდათ, ექვსი მკვდარი იყო, სამი კი გადარჩა. კაპანაძეები ფიქრობენ, რომ შემთხვევა დაახლოებით შუაღამესაა მომხდარი.

"კარი ღია იყო, რგორ გააღო მგელმა არ ვიცით. ამით ვცხოვრობდით, ახლა დავრჩით ყველაფრის გარეშე", – გვეუბნება ზინა კაპანაძე.

იგი მეუღლესთან ერთად სოფელში მარტო ცხოვრობს. ორივე მათგანი პენსიონერია. ოჯახი დახმარებას ითხოვს. ამბობენ, რომ გამგებლის წარმომადგენელი სოფელში მივიდა, თუმცა, რაიმე დახმარებაზე არ უსაუბრია

"გვითხრა, დაზღვეული თუ გყავდათ, აგინაზღაურდებათო. ვის ყავს ცხვრები დაზღვეული, ჩვენ რომ გვყოლოდა", – ამბობს ზინა კაპანაძე.

"სამხრეთის კარიბჭე" გამგებლის წარმომადგენელს სოფელში, ელგუჯა ჯვარიძეს ვერ დაუკავშირდა.

[sknews.ge]