სოფელ გოგაშენში მგელმა 60 სული ცხვარი დაგლიჯა [Photo]

მაყვალა იაკობაძემ დაგლეჯილი ცხვარი სადგომში, დღეს, 15 ნოემბერს დილით ნახა. მისი თქმით, 60 სულიდან ცოცხალი მხოლოდ 10–ია.

„ის ათიც დაგლეჯილია. 50 სული დაახრჩო. დაგლეჯილები ჯერ ისევ ბოსელში ყრია, არ გამომიტანია“, – ამბობს მაყვალა იაკობაძე.

მისი თქმით, მგელი სადგომში ფანჯრიდან გადავიდა: „სეტკა“ იყო გაკეთებული და ის გაგლეჯილი დაგვხვდა. შუა სოფელში ვცხოვრობთ, სახლი ტყესთან ან სადმე განაპირას არ დგას “.

ცხვრის შესაძენად იაკობაძეებმა, როგორც თავად ამბობენ, ბანკიდან კრედიტი, 4 000 ლარი აიღეს.

„ამ ფულით სულ ცხვარი ვიყიდეთ“, – აცხადებეს იაკობაძე და დახმარებას ადგილობრივ თვითმმართველობას სთხოვს.

გამგებლის წარმომადგენელი გოგაშენის ადმინისტრაციულ ორგანოში ზაზა ნათენაძე ამბობს, რომ არ იცის, ადგილობრივ თვითმმართველობაში იაკობაძეებს დაეხმარებიან თუ არა: „პირველ რიგში ჯერ განცხადება უნდა დაწერონ და გამგეობაში შეიტანონ. შემდეგ შიესწავლიან ვითარებას და დახმარების საკითხი, თუ ბიუჯეტში საშუალება იყო, ამის მერე გადაწყდება“.









[თამუნა უჩიძე, ახალქალაქი]