ახალციხეში ფესტივალი „მზიანი საქართველო“ ჩატარდა

ფესტივალი „მზიანი საქართველო“ შემოქმედებითი ასოციაცია „რევერანსის“ ორგანიზებით მოეწყო. წელს, პირველად, ფესტივალში ეთნიკური უმცირესობები ჩაერთვნენ.

„ჩვენ ვართ გარდაბნიდან, ანსამბლი „ქესალო“, აზერბაიჯანული და აჭარული ცეკვებით პირველად წარვსდგებით მაყურებლის წინაშე“, - ამბობს ანსამბლის ხელმძღვანელი სოსო ტვილდიანი.

ფესტივალის პარალელურად, მესხეთის სახელმწიფო თეატრის ფოიეში, ახალციხის შშმ პირთა ცენტრის „ტალიტა კუმისა“ და მეშვიდე საჯარო სკოლის მოსწავლეების ნამუშევრების გამოფენა-გაყიდვა მოეწყო.

კონცერტის დაწყებამდე, ახალციხის ცენტრალურ პარკში, ფოლკლორულმა და ქორეოგრაფიულმა ანსამბლებმა, ბერიკების მეთაურობით მსვლელობა მოაწყეს, შემდეგ ფესტივალის სახელით პარკში ნაძვის ხე დარგეს. მანამდე, კი სტუმრებმა ახალციხის ციხე დაათვალიერეს.





[თინათინ ზაზაძე, ახალციხე]