ახალციხეში მშვიდობის ფესტივალი ჩატარდება

მშვიდობის ფესტივალი ახალციხის ციხეზე 27,28 და 29 აგვისტოს ჩატარდება.

„ჩემი სურვილით ვაკეთებ ორგანიზებას. ეს პატარა საჩუქარია ახალციხელებისთვის. მინდა, რომ ყველამ გაიგოს საქათველოს შესახებ“, – ამბობს ვილენჩუკი.

ფესტივალში საქართველოს გარდა ინდოეთიდან, ირანიდან და ერაყიდან მოწვეული მომღერლები ჩაერთვებიან. საქართველოდან ფესტივალში მონაწილობას მიიღებენ ნათია ჩილაშვილი, თემურ ყვითელაშვილი და ზაზა თამარაშვილის გუნდი.

საკონცერტო შოუ ყოველ საფესტივალო დღეს 17:00 საათზე დაიწყება. ფესტივალის ფარგლებში მოეწყობა ხელოვნების ნიმუშების, ხალხური რეწვის ოსტატების ნამუშევრების გამოფენა–გაყიდვა, იქნება საკვები პროდუქტების ფართო არჩევანი.

„ჩვენი სურვილია შევქმნათ განსაკუთრებული გარემო მეგობრობისა და მშვიდობისათვის, ყოველგვარი პოლიტიკური შინაარსის გარეშე. ჩვენ გეპატიჟებით, რომ ჩამობრძანდეთ და მონაწილობა მიიღოთ მშვიდობის გამოსახატავად“, –ნათქვამია ფესტივალის ოფიციალურ ვებგვერდზე.

შილა ვილენჩუკი საქართველოში პირველად გასული წლის აპრილში ჩამოვიდა. ერთი თვის მერე ახალციხეში სახლი შეიძინა და მას შემდეგ აქ ცხოვრობს.

[თინათინ ზაზაძე, ახალციხე]