ახალციხემ კროსის ღია ჩემპიონატს უმასპინძლა

„ახალციხის 2015 წლის საგაზაფხულო ღია პირველობა კროსში“ მიხეილ იაძის სახელობის სტადიონზე ჩატარდა. ჩემპიონატში ახალციხის, ვანის, ბათუმის, ბორჯომისა და თბილისის გუნდები მონაწილეობდნენ.

ჩემპიონატში 60 სპორტსმენი მონაწილეობდა, გამარჯვებულები 6 ასაკობრივ კატეგორიაში გამოვლინდნენ. პირველი ადგილი ახალციხის გუნდმა მოიპოვა, მეორე და მესამე ადგილი კი ბორჯომისა და ვანის გუნდებმა. ახალციხის სასპორტო სკოლამ გამარჯვებულებს სიგელები და მედლები გადასცა.

„ახალციხის 2015 წლის საგაზაფხულო ღია პირველობა კროსში“ ყოველწლიურად აპრილში იმართება. ჩემპიონატს ორგანიზება ახალციხის სასპორტო სკოლამ გაუწია.

[თინათინ ზაზაძე, ახალციხე]