ახალციხეში კროსის ღია ჩემპიონატში გამარჯვებულები გამოვლინდნენ

მცირე ასაკის გოგონებში (2001 წლიდან - უმცროსი) 650 მეტრის გარბენაში პირველ ადგილზე გავიდა მარი ფხალაძე ჭიათურიდან, მეორეზე ჰასმიკ მარქარიანი ახალციხიდან, მესამეზე მარიამ ფაცაცია ვანიდან.

ამავე ასაკის ბიჭებში პირველ ადგილზეა ლუკა ღონღაძე ბორჯომიდან, მეორეზე თემურ მამედოვი თბილისიდან, მესამე ადგილზე კი ორი გამარჯვებული გამოვლინდა დარანიკ არზემანიანი და დავით დავთიანი ახალციხიდან.

1 300 მეტრის გარბენაში (1999-2000 წლები) გოგონებში პირველი ადგილი ერგო მართა მთვარიძეს ახალციხიდან, მეორე თამთა ღვინიანიძეს ვანიდან, მესამე ირინა ფხალაძეს ჭიათურიდან.

ამავე ასაკის ბიჭებიდან, ოღონდ 1 950 მეტრის გარბენაში პირველი ადგილი აიღო დავით აბესაძემ თბილისიდან, მეორე გიორგი გიორგაძემ ბორჯომიდან, მესამე ადგილზე თბილისელი სპორტსმენი გიორგი ჩიტიშვილი გავიდა.

შედარებით უფროსი ასაკის (1996-1998 წლები)გოგონებში 2600 მეტრის გარბენაში პირველ ადგილზე გავიდა ნოემ პაპიკიანი ახალციხიდან, მეორეზე მარიამ ჭეიძე თბილისიდან, მესამეზე კი სალომე კოპალეიშვილი ვანიდან.

ამავე ასაკის ბიჭებში, ოღონდ 3 200 მეტრის გარბენაში პირველი ადგილი აიღო რუბიკ მინასიანმა ახალციხიდან, მეორე ჯიმშერ ბუკიამ, მესამე სარქის გასპარიანმა.

3 250 მეტრის გარბენაში პირველი ადგილი ერგო გიული დეკანაძეს ვანიდან, მეორე კი თინათინ პაპუაშვილს ბორჯომიდან;

3 900 მეტრის გარბენაში პირველ ადგილზე გავიდა დავით ხარაზიშვილი თბილისიდან, მეორეზე ჯეირან ხოფერია ფოთიდან, მესამე ადგილზე კი გიგლა ზილგბერშტეინი ახალციხიდან;

ყველა გამარჯვებულს ახალციხის მუნიციპალიტეტის გამგეობამ მედლები და თასები გადასცა. საჩუქრებისთვის ადგილობრივი ბიუჯეტიდან 500 ლარი გამოიყო. გამარჯვებულებს ფულადი ჯილდო მძლეოსნობის ფედერაციამაც გადასცა.

[თამუნა უჩიძე, ახალციხე]