დამოუკიდებლობის დღისადმი მიძღვნილი სპორტული ღონისძიებების ნაწილი დასრულდა

საქართველოს დამოუკიდებლობის დღისადმი მიძღვნილ სპორტულ ღონისძიებებში (მკლავჭიდი და ჭიდაობა) ახალციხისა და ადიგენის მუნიციპალიტეტების სპორტსმენები მონაწილეობდნენ.

ჭიდაობაში, 25 კილოგრამ წონით კატეგორიაში, პირველი ადგილი ანრი ხოზრევანიძემ აიღო, მეორე ადგილი ირაკლი შანიძემ, მესამე ადგილები კი ენრი ხოზრევანიძემ და რატი კვაჭახელიძემ დაიკავეს.

30 კილოგრამ წონით კატეგორიაში პირველი ადგილი გოგიტა ანთაძემ დაიკავა, მეორე – გაგა კახაძემ, მესამე ადგილებზე კი დათო ინასარიძე და მახო ზედგინიძე გავიდნენ.

35 კილოგრამ წონით კატეგორიაში პირველ ადგილზე ხვიჩა ხოზრევანიძე გავიდა, მეორე ადგილი ლევან გელაძემ დაიკავა, მესამე ადგილები კი გიორგი კვაჭახელიძესა და დიტო გიორგაძეს ერგოთ.

45 კილოგრამ წონით კატეგორიაში პირველი ადგილი მანუჩარ ხოზრევანიძემ აიღო, მეორე ადგილი გიორგი ინდუაშვილს ერგო, მესამე ადგილები კი დიტო მსხვილიძემ და გაგა გელაშვილმა დაიკავეს.

50 კილოგრამ წონით კატეგორიაში პირველი ადგილი შმაგი შანიძეს ერგო, მეორე ირაკლი ხითარიშვილს, მესამე ადგილები კი ონიკა მეიტარჯიანმა და ირაკლი შანიძემ დაიკავეს.

65 კილოგრამ წონით კატეგორიაში პირველ ადგილზე გიორგი ნათიძე გავიდა, მეორე ადგილზე ვიტალი მიქელაძე, მესამე ადგილი კი ხვიჩა ხოზრევანიძეს ერგო.

70 კილოგრამ წონით კატეგორიაში პირველი ადგილის მფლობელი თორნიკე შანიძე გახდა, მეორე ადგილზე ნიკა იაკობაძე გავიდა, მესამე ადგილები კი სოსო და თაზო კილაძეებმა დაიკავეს.

აბსოლუტურ წონით კატეგორიაში პირველი ადგილი ბახვა მაისურაძემ მოიპოვა, მეორე ადგილზე კი მახო ხაჭაპურიძე გავიდა.
გამარჯვებულები გამოვლინდნენ მკლავჭიდსა და კროსშიც.

მკლავჭიდში პირველი ადგილი მანუჩარ ინასარიძემ დაიკავა,მეორე ადგილი კი ბექა დემეტრაძემ.

კროსში გოგოებიდან პირველობა ნინა პაპიკიანიმა მოიპოვა, მეორე ადგილზე მელანო ნებაძე გავიდა, მესამეზე კი სვეტლანა ტოქჩიანი.

ვაჟებიდან კროსში პირველობა რუბიკ მინასიანს ხვდა წილად, მეორე ადგილზე ლაშა ბირჩაძე გავიდა, მესამე ადგილი კი ვლადიმერ პაპიკიანმა მოიპოვა.

საქართველოს დამოუკიდებლობის დღისადმი მიძღვნილ ღონისძიებებისთვის ადგილობრივი ბიუჯეტიდან 300 ლარი გამოიყო. ამ თანხით გამარჯვებულებისთვის მედლები და სიგელები შეიძინეს.

„იმის გამო, რომ წინასაარჩევნო პერიოდია, აღნიშნულ თანხას ვეღარაფერი დავამატეთ“,–ამბობს ახალციხის მუნიციპალიტეტის გამგებლის მოვალეობის დროებით შემსრულებელი მალხაზ ჟუჟუნაძე.

ამ წუთებში ახალციხის ციხეზე ჭადრაკის ჩემპიონატი მიმდინარეობს. აქ გამარჯვებულები ჯერ არ გამოვლენილან.

[თამარ თოთაძე, მანანა სარაშვილი, ახალციხე]