ახალციხეში ”ოცნების” აქცია მიმდინარეობს

ადიგენიდან 50-ზე მეტი მანქანა გამოვიდა. ჩორჩანი, დიდი და პატარა სმადა, ქვემო და ზემო ენთელი, უტყისუბანი, მოხე, ჩორჩანი - ეს იმ სოფლების ჩამონათვალია, საიდანაც მოსახლეობა აქციაზე დასასწრებად წამოვიდა.

”დაახლოებით 700 კაცი წამოვიდა ადიგენიდან. გზაზე პრობლემა არ შეგვქმნია, პოლიცია იყო მობილიზებული და მხოლოდ მანქანის ნომრებს იწერდა”, - ამბობს ადიგენის შტაბის უფროსი დავით ბაციკაძე.

1700 კაცი წამოვიდა ბორჯომის მუნიციპალიტეტიდან.

”ეს ის რასაც ბორჯომის შტაბმა გაუკეთა ორგანიზება, 1000-კაცზე მეტი საკუთარი მანქანებით ჩამოვიდა, მათ შტაბთან გამოჩენა არ სურდათ”, - ამბობს ბორჯომის შტაბის წარმომადგენელი ირაკლი კვირკველია.

90-ზე მეტი სამარშრუტო ტაქსი ჩამოვიდა ახალქალაქიდან და ნინოწმინდიდან. აქციაზე არიან მოქალაქეების ახალციხის სხვადასვხა სოფლებიდანაც.

”უკეთესი მომავლი მინდა, რომ ჰქონდეს ახლაგაზდრობას, ბვრს სურდა წამოსვლა აქციაზე, მაგრამ ვერ გაბედა. ოღონდ კი თავისუფალი ქვეყანა და მომავალი გვქონდეს და შევეწირები კიდეც ჩემ ქვეყანას”, - ამბობს ახალციხის მუნიციპალიტეტის მკვიდრი ციცია ქიმერიძე.

თავისუფლება და უკეთესი მომავალი სურს სტუდენტს, 20 წლის ფრიდონ რიბაკოვს, რომელიც ახალციხის მუნიციაპლტიეტის სოფელ თისელში ცხოვრობს: ”იმედი მაქვს, რომ ბიძინა ივანიშვილი გაიმარჯვებს. ერთი მარშუტკით წამოვედით თისელიდან, კიდევ ბევრს სურდა წამოსვლა, მაგრამ შეეშინდათ”.

ასევე თავისუფალი ქვეყანა და უკეთსი სოციალური მდოგმარეობა სურს ბორჯომიდან ჩამოსულ კოტე აბულაძეს. მას ეთანხმება ქვაბისხევიდან ჩამოსული 76 წლის ბიჭიკო მაისურაძეც.

აქციაზე არიან ცნობილი სახეებიც.

”რა დროს შიშია?! შიშის სინდრომი დღევანდელმა ხალხმა უნდა გადაყაროს, იმაზე მეტ შიში სადაა, რასაც ”ნაციონლური მოძრაობა” თესავს?! უდნათ რომ ქართველი ხახლი დაამონონ და დააშინონ, მაგრამ არ არსებობს, ქართველი ხალხი აზროვნებს. უფსკრულია ახლა ჩვენს წინაშე. ერთი ხელის მიდება და უფსკრულში გადავიჩეხებით თუ არ გავერთიანდით ყველა. ივანიშვილი გამოჩნდა როგორც ერის კაცი და მწყემსი საქართველოსი, რომელიც არ ჰყავდა აქამდე ქართველ ერს”, - აცხადებს საქართველოს სახალხო არტისტი პალიკო ნოზაძე.

თბილისის მკვიდრის აკაკი ლომოურის თქმით, თუ არ გვინდა რომ ისეთი მონაცველეობა მივიღოთ მთავრობაში, როგორც ეს რუსეთში პუტინისა და მედვედევის მსგავსად მოხდა, მაშინ დღეს ყველა უნდა გაერთიანდეს: ”ეს იმსითვის თუ ქვეყანაში დემოკრატია გვინდა”.

[თამუნა უჩიძე, ახალციხე]