ადიგენსა და ასპინძაში 1989 წლის 9 აპრილს გარდაცვლილები გაიხსენეს [Photo]

ადიგენში, მოქალაქეები, ადგილობრივი ხელისუფლების წარმომადგენლები და სკოლის მოსწავლეები, 9 აპრილის მემორიალთან შეიკრიბნენ. შეკრებილებმა ის მოქალაქეები გაიხსენეს, ვინც 1989 წლის 9 აპრილს საქართველოს დამოუკიდებლობას შესწირა თავი.

დაბა ადიგენის ეკლესიის წინამძღვარმა, მამა რევაზმა ამ დღეს დაღუპული გმირების სულის მოსახსენიებელი პანაშვიდი გადაიხადა. შემდეგ კი მუნიციპალიტეტის საჯარო სკოლების მოსწავლეებმა ლექსები წაიკითხეს.







ადიგენის მსგავსად, 9 აპრილის მემორიალთან შეიკრიბნენ ასპინძაშიც. წმინდა გიორგის სახელობის ხვილიშის ტაძარში, წირვის დასრულების შემდეგ, მამა ზაქარიამ მემორიალთან გარდაცვლილ ადამიანთა სულების მოსახსენებლად პარაკლისი ჩაატარა.

ამის შემდეგ, კულტურისა და ხელოვნების ცენტრთან არსებულმა ანსამბლმა „წუნდამ“ რამდენიმე ქართული-ხალხური სიმღერა შეასრულა, საჯარო სკოლის მოსწავლეებმა კი ლექსები წაიკითხეს.

ადიგენშიც და ასპინძაშიც, ღონისძიებას ესწრებოდნენ ადგილობრივი ხელისუფლების წარმომადგენლები.








[ნინო ნარიმანიშვილი, ახალციხე]