ახალციხეში 9 აპრილს გარდაცვლილები გაიხსენეს [Photo]

ცენტრალურ პარკში მდებარე 9 აპრილის მემორიალთან ქალაქის მერიისა და საკრებულოს თანამშრომლები, სასულიერო პირები, 9 აპრილის მონაწილეები და ადგილობრივი მოსახლეობა 11:00 საათზე შეიკრიბნენ.

„ეს არის ტრაგიზმით, სევდით და სიამაყით გაჯერებული დღე, სევდით იმიტომ რომ 30 წლის წინ 1989 წლის 9 აპრილს ჩვენი ქვეყნის ღირსეული 21 ადამიანი ემსხვერპლა უთანასწორო ძალასთან შეტაკებას. მართლაც დიდი და განუზომელია მათი დამსახურება სამშობლოს წინაშე. ჩვენ ვალდებულები ვართ პატივი მივაგოთ მათ ხსოვნას“, – განაცხადა სამცხე-ჯავახეთის გუბერნატორმა ბესიკ ამირანაშვიმა.

ივლიტის ღვთისმშობლის სახელობის ტაძრის წინაღმვარმა იოანე გელაშვილმა, მემორიალთან, 9 აპრილს დაღუპულთა მოსახსენიებელი პარაკლისი გადაიხადა. პარაკლისის დასრულების შემდეგ, ფოლკლორულმა ანსამბლმა „მესხეთმა“ რამდენიმე სიმღერა შეასრულა.







დღეს, 30 წელი გავიდა 1989 წლსი 9 აპრილის იმ მოვლენიდან, როცა საქართველომ დამოუკიდებლობის მოთხოვნით გამართული დემონსტრაცია საბჭოთა არმიამ ჩაახშო. 21 დაიღუპა და ასობით ადამიანი კი დაიჭრა, მოიწამლა და დასახჩრდა.

[თორნიკე ზაზაძე, ახალციხე]