სამხატვრო სკოლის მოსწავლეებმა მშობლებს დედის დღე მიულოცეს

ახალციხის ცენტრალურ ბიბლიოთეკაში შეკრებილ მშობლებს შვილებმა დედის დღე მიულოცეს და ლექსები წაიკითხეს.

„გვინდა, რომ ბავშვები წიგნთან უფრო დავაახლოვოთ, მართალია დღეს მხოლოდ ლექსების წაკითხვით შემოიფარგლნენ, მაგრამ მომავალში გვინდა რომ წიგნები წაიკითხონ და ნახატებიც ამის მიხედვით დახატონ“, – ამბობს ახალციხის ცენტრალური ბიბლიოთეკის მენეჯერი ქეთევან მილიქიძე.
დღეს სამხატვრო სკოლის მოსწავლეებმა მშობლებს საჩუქრად საკუთარი ნამუშევრები გადასცეს.

„მოსწავლეები ორი–სამი კვირის განმავლობაში მუშაობდნენ კერამიკაზე და ეს ნამუშევრები დღეს მშობლებს გადასცეს. ასევე წაიკითხეს ლექსები“, – ამბობს ახალციხის სამხატვრო სკოლის დირექტორი ნანა ნათენაძე.

[თამარ თოთაძე, ახალციხე]