ახალციხის რამდენიმე მაღაზიაში საკვებად უვარგისი ხინკალი და პელმენი იყიდება

ახალციხის მომხმარებელთა დახმარების ცენტრის წარმომადგენლებმა 2015 წლის 19 თებერვალს შეიძინეს სხვადასხვა მწარმოებლის მიერ წარმოებული ხინკალი და პელმენი შემდეგ მაღაზიებში:

1. საბარგო სადგურზე, მაღაზიაში შპს „დიაკონაშვილი“ შპს „გიოს“ მიერ წარმოებული ხორცის პელმენი.
2. თამარაშვილის ქუჩაზე მდებარე სავაჭრო ცენტრში, ი.მ. ხათუნა ჯავახაძის კუთვნილ მაღაზიაში შპს „რაჭას“ ხინკალი.
3. ასპინძის ქუჩაზე მდებარე ი.მ. ბარსეგიანის კუთვნილ მარკეტში შპს „პინოს“ პელმენი.

„ლაბორატორიიდან მიღებული შედეგების თანახმად, სამივე ნიმუშში აღმოჩნდა ნაწლავის ჩხირის ჯგუფის ბაქტერიები და პათოგენური მიკროორგანიზმი ლისტერია მონოციტოგენეზი, რომელიც ადამიანების, განსაკუთრებით კი ბავშვებისა და ორსულთა ჯანმრთელობისა და სიცოცხლისათვის საფრთხეს წარმოადგენს“, – ნათქვამია მომხმარებელთა დახმარების ცენტრის განცხადებაში.

დარღვევის შესახებ მომხმარებელთა დახმარების ცენტრმა აცნობა მწარმოებლებს, მაღაზიების მეპატრონეებს, ახალციხის მუნიციპალიტეტსა და სურსათის ეროვნულ სააგენტოს.

[sknews.ge]