ახალციხის ციხის თანამშრომლებს ხელფასი გაეზარდათ

ახალციხის ციხიდან მიღებული ინფორმაციით, 400 ლარით გაიზარდა ციხის დირექტორის ანაზღაურება, მისი მოადგილის კი 300-ით.

50 და 75 ლარით გაეზარდათ ხელფასი სპეციალისტებსა და უფროს სპეციალისტებს. დასუფთავების მუშაკებს და მთავარ სპეციალისტებს 100–100 ლარით.

ააიპ–ის სახელფასო ფონდი 2019 წელს 614 850 ლარს შეადგენდა, წელს კი 685 200 ლარით განისაზღვრა.

ციხეზე ამ ეტაპზე 84 თანამშრომელი მუშაობს. მაისიდან მატერიალურ-ტექნიკური უზრუნველყოფის სამსახურს, ტურისტული სეზონის დასრულებამდე რამდენიმე თანამშრომელი დაემატება.

[რობი ზარიძე, ახალციხე]