რაღა გახდა ამათი სასამართლო, ფულია ყველაფერი–მოკლული სამი ახალგაზრდის დედა აქციებით იმუქრება [Photo]

გარდაცვლილების დედები პროკურორთან შეხვედრას და იმის ახსნას ითხოვდნენ, რატომ გადაიდო პროცესი. ისინი აცხადებენ, რომ პროცესები თუ არ გაიმართება, ბრალდებულის სახლს გადაწვავენ და თბილისში, უზენაეს სასამართლოსთან გამართავენ აქციას.

შეგახსენებთ, ახალციხის რაიონულ სასამართლოს, დღეს, 23 თებერვალს, სოფელ ყარათუბანში, 2014 წლის 28 აგვისტოს მომხდარ, სამი ახალგაზრდის მკვლელობაში ბრალდებულის საქმეზე, წინა სასამართლო სხდომა უნდა გაემართა. თუმცა, პროცესი ბრალდებულის გამოუცხადებლობის გამო გადაიდო. სხდომაზე მოსამართლემ გამოაცხადა, რომ სასამართლოში წარდგენილია სამედიცნო ცნობა, რომლის მიხედვით, ბრალდებულს აქვს ჰიპერტონული კრიზისი.



















სამი ახალგაზრდა: ვაჟა ნარიმანიშვილი, გიორგი სირბილაძე და ბორის სირბილაძე 2014 წლის, 28 აგვისტოს, მარიამობის ღამეს, მოკლეს. ერთ-ერთი გარდაცვლილის ძმა, ბექა სირბილაძე კი ფეხისა და გულ–მკერდის არეში დაჭრეს. მკვლელობაში ბრალდებული სამართალდამცველებმა ცხელ კვალზე დააკავეს. 31 აგვისტოს კი აღკვეთის ღონისძიებად პატიმრობა შეუფარდეს.

კუბლაშვილის საქმეზე სხდომა არაერთხელ გადავადდა.

[ნინო ნარიმანიშვილი, თინათინ ზაზაძე, ახალციხე]