სამცხე–ჯავახეთის ფეხბურთის ფედერაციაში საპრეზიდენტო არჩევნებისთვის ემზადებიან

ფეხბურთის ფედერაციის პრეზიდენტობის მსურველი ერთადერთი კანდიდატი, მოქმედი პრეზიდენტი გელა მაისურაძეა. მისი თქმით სამცხე–ჯავახეთის საფეხბურთო ფედერაციამ პრეზიდენტობის მსურველთათვის რეგისტრაცია 21 იანვარს გამოაცხადა და დღეს, 20 თებერვალს დასრულდა, თუმცა განაცხადი არავინ შეიტანა.

გელა მაისურაძე ფეხბურთის ფედერაციის პრეზიდენტად 2011 წლის 20 ივნისს აირჩიეს.

„ვადა დეკემბრის ბოლომდე მქონდა, თუმცა გადავწყვიტეთ, რომ ვიდრე საფეხბურთო სეზონი დაიწყება, არჩევნები მანამდე ჩავატაროთ“, – ამბობს მაისურაძე.

მისივე თქმით, 28 მარტს სამცხე–ჯავახეთის ფუტსალის საპრეზიდენტო არჩევნებიც ჩატარდება. ამ ეტაპზე ფუტსალის პრეზიდენტი დავით ინასარიძეა. მსურველებს საპრეზიდენტო არჩევნებში მონაწილეობისთვის განაცხადის შეტანა 18 მარტიდან შეეძლებათ.

[თინათინ ზაზაძე, ახალციხე]